عيــدكم مبارك وعساكم من العايدين والسالمين ان شاءالله =)
لا أعرف ماذا دهاني في هذا "الأبديت" كي أكتب باللغة العربية. إنه لشيء جميل أن نتمسك بلغتنا الجميلة، اللتي بدأت تتلاشى في وسط معمعة اللغة الانترنتية ولغة ال 7 ,وال 5 وغيرها.
انزييين.. نرجع شوي حق العاميه مافينا عالقنابل هههه.. ان شاءالله استانستوا في العيد..؟ عني انا، الحمدلله كان حلو وسلمنا على الأهل والأصدقاء. بس في شي احس انه اتغير عن الأعياد اللي طافت، وخاصه يوم كنا صغار. العيد هالأيام يطوف مثله مثل أي يوم ثاني. واذا قارناه بالعيد يوم كنا يهال، بتلقون فرق كبير. العيد قبل كان له جو غير وفرحه. وليلة العيد كل شي تمام وجاهز، وحتى مرات ماكان ايينا رقاد من الوناسه هههه. بس احين، حتى الثياب على آخر لحظه ومال بسرعه بسرعه قبل العيد بيوم شلينا أي شي وطلعنا. صح أن انسير ونسلم على الأهل ونيلس ونسولف، بس في شي اختلف.
كل هذا في صوب، واحتفالات كرسمس وهولووين وغيره في صوب. خلينا تسترجع شوي ذكرياتنا إلي قبل 10 سنين. في يوم العيد الوطني او عيد الفطر او الأضحى، كنا نحس أن فيه عيد مب بس داخل البيت حتى برع، وكانت الفرق الحربيه والعياله والنعاشات على الكاسر في بوظبي، وكل حد فرحان ومستانس واللي يرزف واللي واقف ويطالع واللي يصور. والمكان كان حي ومرتبش. الفرحه كانت في الجو. بس للأسف، كل اللي انشوفه هالأيام احتفالات كرسمس وهولويين وترتيبات المراكز بهاي المناسبات. وحتى في المدارس، كان يوم العيد الوطني من أحلى أيام السنة.
في مركز في دبي فاجأنا بعدم اتحفاله بكرسمس، ولا تزيينه للمكان بهذه المناسبه. شعور جميل أنك تدخل للمكان وتحس انه متمسك بعادات البلاد وتقاليده، وماتحتفل بأعياد الغرب. جزاهم الله خير على هاي الوقفه.
لو استمرينا على هالحال، وبدت أعيادنا تتلاشى مع الأيام، ومجتمعنا يتمسك أكثر بأعياد الغرب والعادات الدخيله على عاداتنا وتقاليدنا وتراث اجدادنا، شو بيصير بمجتمعنا وديننا ؟ اخاف اينا يوم وننسى أن عندنا شي اسمى عيد الفطر أو عيد الأضحى.. الله يستر بس
واسمحولي ماكتبت بالعربي الفسحة.. ان شاءالله في المرة القادمة سوف أفعل ذلك =P
لا أعرف ماذا دهاني في هذا "الأبديت" كي أكتب باللغة العربية. إنه لشيء جميل أن نتمسك بلغتنا الجميلة، اللتي بدأت تتلاشى في وسط معمعة اللغة الانترنتية ولغة ال 7 ,وال 5 وغيرها.
انزييين.. نرجع شوي حق العاميه مافينا عالقنابل هههه.. ان شاءالله استانستوا في العيد..؟ عني انا، الحمدلله كان حلو وسلمنا على الأهل والأصدقاء. بس في شي احس انه اتغير عن الأعياد اللي طافت، وخاصه يوم كنا صغار. العيد هالأيام يطوف مثله مثل أي يوم ثاني. واذا قارناه بالعيد يوم كنا يهال، بتلقون فرق كبير. العيد قبل كان له جو غير وفرحه. وليلة العيد كل شي تمام وجاهز، وحتى مرات ماكان ايينا رقاد من الوناسه هههه. بس احين، حتى الثياب على آخر لحظه ومال بسرعه بسرعه قبل العيد بيوم شلينا أي شي وطلعنا. صح أن انسير ونسلم على الأهل ونيلس ونسولف، بس في شي اختلف.
كل هذا في صوب، واحتفالات كرسمس وهولووين وغيره في صوب. خلينا تسترجع شوي ذكرياتنا إلي قبل 10 سنين. في يوم العيد الوطني او عيد الفطر او الأضحى، كنا نحس أن فيه عيد مب بس داخل البيت حتى برع، وكانت الفرق الحربيه والعياله والنعاشات على الكاسر في بوظبي، وكل حد فرحان ومستانس واللي يرزف واللي واقف ويطالع واللي يصور. والمكان كان حي ومرتبش. الفرحه كانت في الجو. بس للأسف، كل اللي انشوفه هالأيام احتفالات كرسمس وهولويين وترتيبات المراكز بهاي المناسبات. وحتى في المدارس، كان يوم العيد الوطني من أحلى أيام السنة.
في مركز في دبي فاجأنا بعدم اتحفاله بكرسمس، ولا تزيينه للمكان بهذه المناسبه. شعور جميل أنك تدخل للمكان وتحس انه متمسك بعادات البلاد وتقاليده، وماتحتفل بأعياد الغرب. جزاهم الله خير على هاي الوقفه.
لو استمرينا على هالحال، وبدت أعيادنا تتلاشى مع الأيام، ومجتمعنا يتمسك أكثر بأعياد الغرب والعادات الدخيله على عاداتنا وتقاليدنا وتراث اجدادنا، شو بيصير بمجتمعنا وديننا ؟ اخاف اينا يوم وننسى أن عندنا شي اسمى عيد الفطر أو عيد الأضحى.. الله يستر بس
واسمحولي ماكتبت بالعربي الفسحة.. ان شاءالله في المرة القادمة سوف أفعل ذلك =P
.jpg)
posted by Nagmat UAE @ 1:41 PM
6 comments
